絲絲講場：劉怡翔上場即「打敗仗」

劉怡翔坐正財經事務及庫務局局長後，周一首次同傳媒聚餐，佢同大家打招呼第一句就話自己「打敗仗」！

不過雖然帶病上陣，佢仍然中氣十足，講金融科技、人工智能、綠色金融等，仲一講就講足成粒鐘，都冇乜喉沙！

唔講唔知，佢入政府做AO前做過一間知名電腦公司，都算半個IT人，所以對近年熱爆嘅金融科技特別上心。佢話現時各間金融機構喺「認識你的客戶」（KYC）中所收集到嘅客戶資料，點樣共享好重要。佢希望香港可建立一個中央個人資料庫，供唔同機構、產品共用，評估風險。