絲絲講場：沈大師：體操瓣瓣掂！（曾經）

訊匯證券行政總裁沈振盈尋日喺「東網Money18」新財經直播Talk Show節目《中環剝花生》中，寸盡今周財圈大事之餘，更突然自爆當年係體操校隊，甚麼單槓、雙槓、跳馬、空翻佢都OK！絲絲想像到……想像到。

講到邊位股評人最型仔，「廿年前嗰代就梗係鄧聲興（Kenny）！」沈大師話「Kenny係偶像派，今時今日仲有女聽眾打去叫『阿Kenny啊』，但唔會有人叫我『阿Louie（沈大師英文名）啊』咁！」葡萄？

依家大家會稱呼「沈大師」、「藺大師」，沈大師呻「畀人叫做『大師』即是老咗囉！」連同場嘅富昌金融研究部總監譚朗蔚都話自己「細細個就睇鄧聲興」。咦，係讚Kenny靚仔定咩呢可。佢哋兩位仲爆肚話……噢，冇位寫添！大家用手機掃掃隔籬個QR Code，即刻重溫，一齊剝花生。

余絲韻