點先係中產？喺內地，淨資產超過100萬元人民幣就係，內地呢批中產人士超過7,000萬人，即係香港人口嘅十倍！
已經O嘴？睇埋先。按內地財富品質研究院剛出嘅《要客境外生活方式報告》，再有錢啲嘅千萬身家富豪，喺內地超過400萬人！超級有錢嘅億萬身家富豪，內地就有15萬人！
報告內講嘅「要客」，即VVIP，淨資產有1,000萬元人仔先係。呢班內地「要客」去年出外旅遊使超過6,000億元人仔，每年境外消費平均12萬元人仔！
佢哋嘅重點度假地係英國、法國、意大利同日本，但連南美、南極、北極同啲大家未必叫得出名嘅小島，都開始係佢哋嘅新歡……
余絲韻