新世代供略：大學生揀宅諗深水埗
今期「新世代供略」的主角是大學生Clytie，因住慣市區，覺得身處舊區雖然人多，惟各樣配套發展成熟，如果負擔到首期都想住市區，又表示不敢要求太多，買細啲，出入便捷已可。深水埗美居中心是上車客熱捧的屋苑，走平實路線，保養新淨，附近民生商店林立，約五分鐘步程亦可達港鐵長沙灣站，交吉盤380萬元有交易，算市區低水盤。
Clytie表示，「近期有留意樓價升番，其實現階段都幾難Afford到首期，如果買樓就想住番九龍區。一係發展成熟嘅深水埗，交通唔錯都幾好。如果住細啲都Okay，主要都係睇樓價決定。」
特大主人房啱小家庭
按Clytie的揀樓要求，深水埗的美居中心是知名上車屋苑，由七座物業組成，樓齡已達三十年，惟老而彌堅，保養算佳。因主要提供實用面積200餘至300餘方呎的兩房戶，受上車客追捧。單位實用率高達八成，以長廳或曲尺廳開則，內籠的骰，部分單位設有特大主人房，間隔好用，小家庭絕對適合。
而美居中心靜中帶旺，位置無得輸，離港鐵長沙灣站僅約五分鐘步程，屋苑鄰近長沙灣道，可以依靠巴士代步，交通選擇多。另外，屋苑自設小商場，附近街道平民食肆林立，而深水埗的電腦商場及鴨寮街均近在咫尺，起居飲食方便。
放盤僅兩個 叫價彈逾一成
港置分區董事方文偉表示，屋苑近期樓價回升，較今年初已上升逾一成，目前400萬元以內僅有兩個放盤，叫價最平為一個實用面積298方呎的低層戶，交吉叫價380萬元，貼市價。