這邊廂，議員的「扑嘢」論被人鬧到飛起，那邊廂，有總統候選人侮辱女性成為過街老鼠，其實性話題永遠都係禁忌，但又永遠有人畀個氹自己踩！即使號稱「專業」的四仔行業，有啲行為小學雞程度唔輸蝕畀班尊貴議員，有啲口沒遮攔仲衰過老特！結果咪搞到無運行囉，所以話，性話題，任何人都玩唔起。
呃人隻豬就易，蠢過隻豬其實好難，更何況佢係一個脫星，應該清楚明白自己要做乜，但美國黑妹脫星Cameron Bay喺兩年前開工第一日，抱住好Cool好High心態落場砌，咁咪瀨嘢囉！
話說當日拍攝一場男女床戰，事前仲整好對34DD假奶諗住一炮而紅，去到片廠工作人員準備好安全套，而阿妹埋位時，男優攞出驗身證明畀導演過目，阿妹見有「證書」個人即刻安心晒，結果全程「環保」上陣，咁咪中招囉！自「處女下海」三個月後，Cameron Bay證實對HIV呈陽性反應，而喺呢段期間，Cameron妹對傳媒話仲拍過幾場四仔，不過佢已經冇心再去搵邊個係經手人，事關佢買咗醫療保險白紙黑字寫明，色情演員必須使用安全套，依家有相有片，乜都冇得保之餘，阿妹仲要冇工開，兼每月負擔2,000美元（約HK$15,600）藥費，企出嚟接受訪問，除咗係呼籲大家記得戴套外，當然係想各位多多益善啦！
Barbie Cummings呢個大名喺美國無人不識，唔係因為夠正夠索，係因為遇到佢一定行衰運呀！返到2007年，Barbie妹喺美國田納西州公路揸車因超速被警察截查，據報警員懷疑阿妹醉駕，兼喺車內搜出違禁藥物，而當時負責嘅40歲警員James Randy Moss發現對方係脫星後，竟主動提出以「口舌服務」作釋放條件，之後就帶返巡邏車爽足兩分鐘，期間男方仲有拍照兼傳送去Barbie電郵，約定幾日後再戰，呢單案之所以曝光，原來係James向同事炫耀，結果冇得撈，仲要被起訴行為不檢、毀滅證據及性侵等罪名！但古仔未完喎，事件爆出後，Barbie Cummings竟然「伸張正義」，喺個人網誌高呼自己「不是受害者」，純粹係「出於自願」，唔講由自可，一講被網民鬧到網誌都刪埋，四仔廠唔敢用佢，得番個官方網站繼續營運囉！
小學雞兼無血性，仲唔係人渣中嘅極品？美國兩位「變態」脫星Megan Jones及Sara Zamora，據報喺2014年期間，自拍一段虐待及殘殺動物四仔，更上載互聯網，結果被執法部門控告，齊齊收監。調查員爆料指呢兩位邪惡脫星喺同年4月拍攝女同變態四仔，從證物片段所見，佢哋親手殺害白兔、雞及白老鼠等，仲有大量男女重口味性愛片段，事後掟上一個叫SOS Barn網站收費下載被揭發，兩位脫星下場係點冇人想知，但今日仲做到人算執到啦！
Jenna Jameson貴為女神中嘅女神，一言一行都備受公眾關注，好心就檢點吓啦！話說喺2014年XBIZ Awards中，阿妹受大會之邀做頒獎禮主持，阿姐走晒樣都算，關鍵係佢當晚表現差強人意，把聲又沙，講嘢又細聲、用詞又低俗，完全唔識得尊重色情演員，搞到在場嘉賓冇晒反應，好在頒獎禮只有業界人士出席先冇乜人知，但事後不少人喺網上討論區喪數，相信係阿姐濫藥同酗酒所致喎！
笑可以講，但唔好亂講，對外開咗個「盤口」，收唔到科就話講笑，難怪四仔迷嬲嬲豬囉！話說脫星Zoe Zebra嫌對奶太細，想發起一個「咪咪工程」，透過網民籌旗去隆胸，於是喺AD4X成人網站發起Gang Bang活動，招募25位壯男喺夜總會對出停車場開波，大戰時間由晚上8點到凌晨3點，粉絲聽到咁筍梗係喪衝啦，結果吸引咗2,500位男士報名，289個被確認參加資格，點知最後夜總會話不論場內場外都唔容許搞嘢，仲鬧爆發起人無腦，而Zoe就喺社交網話純粹搞笑打圓場，好在佢冇畀人打咋！
史上最無腦兼口不擇言脫星幾時都係Ashley Blue呀！咪睇佢36歲人好成熟，睇埋個訪問，只要你係人都憎佢。阿妹被網民稱為「World's Dumbest Porn Star」，佢接受訪問時嘅言論充滿種族及宗教歧視，仲離譜到對主持人自豪地承認有心將性病傳畀發生過關係嘅男女，賤到呢！
撰文：祖