絲絲講場：爭首富櫈仔ZARA老闆坐唔暖

邊個搶走微軟創辦人蓋茨全球首富櫈仔？係奧爾特加（Amancio Ortega）！邊個係奧爾特加？西班牙服裝品牌ZARA應該知啦啩！佢咪就係ZARA創辦人囉。

奧爾特加旗下嘅Inditex集團，亦即係ZARA嘅母公司，股價周三升咗2.5%，奧爾特加身家即漲至795億美元（約6,201億港元），爬過蓋茨頭！

之但係呢張全球首富櫈仔，奧爾特加未有機會坐暖，就已經被蓋茨攞番，事關呢篇文絲絲都未寫完，Inditex股價就已經回落番。富貴如浮雲到呢！到閣下睇到呢篇文時，又唔知會變成點。

余絲韻