絲絲講場：實習生咪犯呢15條死罪

1、乜都「些牙」

同人分享適可而止，切忌一開工就一輪嘴咁講。

2、亂着衫

波鞋、牛記，仲要加件心口印住大大塊大麻葉嘅Tee？

3、中途轉工

實習期未完就走，話搵咗第二份工？浪費人家時間。

4、請大假

實習期頂盡3個月，咁都仲要請成兩個星期假？

5、當公司係酒店

知你放工要去輕鬆，但飲到醉晒喺公司瞓，絕對死得。

6、一味靠估

唔識就要問，一味斷估，要人執手尾，唔做好過做。

7、冇自覺性

如果樣樣嘢都要等人哋嗌先去做，咁返工唔啱你。

8、Complain

有咩唔對路，應該去搵上司問清楚。

9、冇大冇細

千祈千祈千祈、唔好唔好唔好跳過你上司直接搵老細。

10、做免費Intern

唔好以為有份有薪嘅Partime，就可以同時去做另一份免費Intern去攞經驗。

11、玩失蹤

要請假要同上司講。（唔好用WhatsApp！）

12、串錯上司名

連呢樣都錯得，仲叫人點留你喺公司。

13、又懶又Hea

又遲到、又不停玩手機，返工唔啱你，返屋企啦。

14、無責任心

呢樣何止係做Intern大忌！簡直係做人嘅大忌。

15、唔當實習係一回事

作為一個實習生，最大罪就係唔當實習係一個機會。

余絲韻