絲絲講場：台英樓價飆上車一樣靠父幹

據統計，台北呢啲台灣大城市舊年年底樓價，15年內升咗兩至三倍，好多年輕人都買唔起樓。

「要不是父母贊助，根本買不起房子！」外媒訪問咗位台北出版社工作嘅一位80後，佢同丈夫供緊嗰層台北樓，二○一三年買，3房單位，樓價2,000萬台幣（折番大概480萬港元），要供20年。佢哋夫婦月入合計大概4萬港元，但亦要靠雙方父母幫畀首期先上到車。

8成人工交租

英國年輕人都唔好過，莫講話買，連租都難。倫敦租金舊年勁升11%，平均租金折番約1.75萬港元，但當地工資中位數（除稅後計番月薪）得2.1萬港元，即係份糧八成用嚟交租，仲邊有錢剩嚟儲上車？

好嘞，歡迎你嚟到大同世界，齊齊上唔到車，無疆界無國家之分。

余絲韻