絲絲講場：王健林海外「掃貨」上癮
提起萬達董事長王健林，絲絲會諗起個「買」字。王健林尋日話，萬達通過收購做大規模，投資海外係大勢所趨，「我們只能不斷買買買，沒有辦法！」一個「買」字都唔夠佢表達，連氣講夠三個。
絲絲睇番，萬達舊年就買咗世界鐵人公司、澳洲HOYTS院線、美國傳奇影業、仲投資西班牙馬德里體育會股權等。
累計投資千一億
幾咁「沒有辦法」喺海外投資咗超過150億美元（約1,170億港元）！
不過，佢就唔多鼓勵人哋出去掃貨。佢話內地人出國買奢侈品比重只佔15-20%，「中國沒有這個包包、錶錶還可以；（但）到國外買化妝品、奶粉、馬桶蓋等等，這就是麻煩。」仲話如果三分之一人留喺內地買日用品，就可以帶動內需。
至於佢買夠未？王健林話「外界說萬達就知道買買買，那我們就繼續買吧！」
余絲韻