香港興業（00480）將佢哋荃灣中染大廈呢幢工廈活化為寫字樓及商場，個商場現命名為「8咪半」，現做緊翻修工程及招租，預計第三季開業。
青山公路用「咪」計距離
話時話，青山公路上啲「幾多咪」其實點解？「咪」即係英里（Mile），青山公路一九一○年代開路初期以「咪」計算距離，好似釣魚灣係「青山公路13咪」，舊咖啡灣係「青山公路18 3/4咪」咁，指地點同尖沙咀碼頭嘅距離。而「8咪半」商場，就大約位處8咪同9咪里程碑中間囉，1英里大約等於1.6K，計番離尖沙咀碼頭約莫13.7K，咁計都幾方便喎。
余絲韻