絲絲講場：領展人焗變經濟學家

自製「消費信心指數」

公司企業傳訊及對外關係總監盧炳松同絲絲講，行政總裁王國龍係投行出身，好多嘢都要求有根有據，所以搞咗個「消費信心指數」出嚟嘞。

聽講，製作呢個指數都幾大工程，需要委託機構喺領展重點營業區域訪問啲消費者，而抽樣調查嘅人數，仲要係同類型調查嘅五倍。不過，暫時呢個指數只係畀領展內部使用，唔對外公開。不過絲絲八到，呢個指數嘅表現暫時跑贏大市，即係普遍人都對喺領展商場消費有信心囉。

行政總裁要求咁高，喺領展做公關要分析同理解埋啲數據，焗變經濟學家添。

余絲韻