最近有個《顧客服務調查》出咗，結果顯示，喺等候客戶服務方面，諗唔到港人原來幾有耐性，喺電話等平均願意等16分鐘（日本人只肯等9分鐘咋），面對面甚至願意等20分鐘（日本人只肯等14分鐘）。
70%包容服務差公司
仲有，港人原來仲好寬宏，對差劣服務嘅包容力十足。竟然有70%受訪港人願意畀多至少一次機會，畀啲顧客服務差劣嘅公司，並希望啲公司有所改進。至於港人熱衷嘅投訴方面，原來44%嘅顧客偏向喺社交平台上搵回應，可惜得18%受理或有回音。
真o架，個調查訪問咗1,000個18歲上以嘅香港顧客，個調查亦同時有喺日本同印度做o架。香港人有啲嘢，有時真係估唔到，今次都唔係第一次。
余絲韻