絲絲講場：香港快運22蚊機票慶生

不過咁，公司之前都推出過1蚊機票，今次咪即係貴咗……喂，22蚊仲想點？筍還筍，睇埋航點先。今次有大阪、布吉、濟州、福岡等等，優惠期由尋日開始去到二十七號，手快有手慢冇。

空姐空少換新裝

快運今個秋天仲推咗套新制服「慶生」。設計師話新制服凸顯公司親切、充滿活力同專業形象咁話。換新裝之後空姐空少服務又會唔會專業咗同親切咗呢？攞22蚊出嚟去搭程機咪知囉，記得預多22蚊買回程返嚟，若你搶到嘅話。

余絲韻