自信同自大只係一線之差，差喺邊度？就係喺對自己能力嘅認識上，如果錯誤估計自己能力嘅話，所引伸出嚟嘅自大輕則會影響人際關係，重則會影響前程。內地嫩模張譯文雖然擁有超凡舞藝同主播能力，但佢不僅冇自大，反而努力做好本分，默默耕耘，爭取踏上舞台嘅機會。
嚟自北京嘅26歲模特兒張譯文，英文名Michelle，暱稱小雪兒，阿妹不但擁有前凸後趷嘅身材，仲好識得擺甫士，透過唔同嘅肢體動作，展現魔鬼級數嘅迷人身段。阿妹除咗有外在美，仲相當有內涵，喺北京藝術學校學咗5年舞蹈，擅長各種民族舞，當中包括傣族舞、維吾爾族舞、藏族舞等，而現代街舞亦難佢唔到，絕對係一位舞林高手。同時，佢又喺大學修讀主播，名副其實既係舞蹈達人，又係一位口齒伶俐嘅女主播，配合埋出眾嘅身材，真係個內外兼備嘅索女。
憑住多才多藝又迷人嘅外形，佢喺2007年參加電視台舉辦嘅選美比賽，並成功打入10強，又喺2008年嘅松花湖旅遊形象大使比賽中，獲得最佳人氣獎。正當大家以為佢投身演藝界之際，佢卻轉向模特兒界發展，推出誘人寫真，又經常亮相於時裝、潮流、汽車等雜誌封面，成為一位人氣模特兒。
喺模特兒界成名後，譯文才向演藝界出發，除咗喺多個綜藝節目上現身外，更參與電影演出，仲要唔係飾演冇名冇姓嘅路人甲，而係有相當戲份嘅角色。
當然，作為一個習舞5年嘅索模，佢最大嘅夢想係希望有朝一日能夠將舞姿帶上舞台，等大家可以欣賞佢喺舞蹈上嘅造詣，而佢最想喺舞蹈劇中表演。不過對佢嚟講，呢個夢想有啲遙遠，因為佢自覺現時喺演藝界上嘅發展，並未達到目標，至於模特兒工作更係有相當大嘅發展空間，所以佢樂於做好自己嘅本分，努力迎接每個工作。既然係咁，佢會唔會放棄舞蹈呢？譯文表示唔會，正所謂機會總係會留番畀有準備嘅人，故此無論佢嘅工作有幾咁忙碌，都唔會忘記抽空練舞，佢又稱最近積極練習一種高難度嘅街舞Breaking，希望未來有機會喺大家面前表演。
簡介： 張譯文喺踏足夢想舞台前，仍專注於模特兒嘅工作，否則我哋又點可以欣賞到佢嘅火辣身材呢？當然，作為一位迷人女模，私底下嘅佢生活亦相當有趣，想知道佢平日有乜動向嘅話，就要去佢個人微博度睇吓。
網址：www.weibo.com/zhangwenww
出生地：北京
身高：167cm
三圍：35、24、36
撰文：魂