絲絲講場：永達王志高最Like港鐵？

原來佢好鍾意搭香港港鐵，話又快又舒適，又話同佢家鄉上海嘅地鐵好唔同，上海地鐵佢反而只係搭過幾次咋。

徐悅自認「重口味」

喺上海揸車，唔怕成日塞咩？同樣係上海人嘅董事兼總裁徐悅（Freddie）話，其實上海塞車唔係咁嚴重，只係一部分公路會成日塞，所以佢唔擔心影響集團銷售。佢仲不忘補多句話，顧客係換車客多，由低端車轉高端車，所以路上車輛嘅數量係唔會特別多咗嘅。得得得，絲絲收到。

尋日，絲絲仲收到風，就係得Freddie親口承認自己重口味。有幾重？絲絲親眼睇住佢食飯時全程不停加辣椒油，仲要係每道餸都加。忍唔住問句佢係咪變咗四川人，佢話皆因南方呀香港呀啲中菜太淡口。絲絲見佢連飲啖湯都落辣油！

余絲韻