近排將軍澳兩大新盤對撼激鬥，地產代理見到有生意做，自然加多兩錢肉緊跑數。而美聯舊帥陳坤興（Vincent）早前加盟嘅內地代理公司Q房網，今次亦嚟分杯羮，絲絲見上周六公布價單嘅嘉悅委託代理名單，Q房網亦有份上榜，仲係佢哋首炮喺香港代理銷售新盤添。
做咗Q房網香港區董事總經理嘅陳坤興仲透露，已經有幾個新盤簽咗委託書，就算未簽嘅，發展商都口頭應承話會搵Q房網幫手。
Vincent曾經喺美聯身居要職，以佢嘅江湖地位，發展商自然會畀面支持。佢今次重出江湖，以Q房網嘅內地資金背景，地產代理界以後肯定會風起雲湧，未必會再只係本地薑嘅天下喇。
余絲韻