絲絲講場:高盛來電 幾早都聽

正常人一大朝早畀電話嘈醒都會發晒脾氣啦。但以下呢78個華爾街人就唔會呢,唔單止唔會黑口黑臉,仲分分鐘會攬住個電話咀幾啖!

CEO總裁Call新合夥人

咩電話咁霸氣?咪係由高盛CEO布蘭克費恩(Lloyd Blankfein)同總裁科恩(Gary Cohn),逐個逐個打嚟,通知你成為高盛新進合夥人嘅電話囉!事關呢個可能係人生入面其中一個最重要嘅電話,畀人嘈醒幾多次都值啦。

作為每個華爾街人,日望夜望都想做高盛合夥人,而呢個名單每兩年就會選一次。呢期嘅名單啱啱喺星期三公布咗。

今年一共有78人榮升合夥人,比起一二年得70人已經算係多咗o架啦,依家高盛合夥人就佔全職員工大約1.6%。

78幸運兒 中國有份

市場消息講到,今年呢78個幸運兒當中,好多都來自證券部,有成25個,但投行部都唔嘢小o架,有23個入選咗。

另外呢,有11個就來自投資管理部,其餘就係商行業務和全球投資研究部。聽聞喺香港做嘢嘅高盛中國TMT投行主管Xiaoyin Zhang都榜上有名呀。值得一題嘅係,今年有11個女iBanker入榜,比上次多咗一個,直頭係巾幗不讓鬚眉。

余絲韻