絲絲每次睇醫生，佢都做足望、聞、問、切，究竟網上睇醫生，係乜嘢一回事呢？原來支付寶錢包同某些醫院合作，將掛號、候診、支付、拎報告等服務，通過手機去完成，咁就慳番唔少排隊時間啦！
掃QR Code開關車門
咁租車又點做呢？租車一向都要畀按金，仲要特登去指定地點拎車匙，呢個新服務唔止免卻以上煩惱，只要支付錢包掃一掃QR Code登記，拎住部電話，就可開關車門。服務已喺十月開始咗，覆蓋北京、杭州，之後仲會拓展至其他城市，出門旅遊都方便晒！
除此之外，講到互聯網安全，未來趨勢都唔再局限於輸入密碼咁沉悶，指紋、掌紋、甚至人臉識別亦都唔再係天方夜譚，當然要發展成熟及普遍使用都仲需要一個過程。
余絲韻