上周美國非農數據欠佳，似乎向美國聯儲局潑了一盤冷水。不過，筆者認為聯儲局退市步伐未受今次數據影響，月尾繼續減少100億美元買債規模，仍是大勢所趨。
其實投資者尤其係股市投資者反而處於尷尬局面，一方面期待經濟復甦，不過又唔想經濟復甦得太理想而令聯儲局加快收水速度。
數據令美元受壓，兌日圓即時腳軟。近期美元兌日圓繼續受制於105.40，呢個係○七年六月高位至一一年十月低位的61.8%反彈阻力所在。
日前兩次測試呢個位無功而回，「非升則跌，否則牛皮」，自然有部分日圓淡友忍唔住食胡。
日線圖上連續兩日高位回落，雖然基本因素無變，日圓大方向都係要跌，但要吸引呢班淡友再重新入市，依家的值博率似乎唔吸引，今個星期支持位係102.50，睇圖大支持區係100.80至101.50，短線繼續調整誘因上升，阻力係104.60。
GMO CLICK環球通副總裁 陳健豪