絲絲講場：「壞孩子」離婚捐款慳番？

五年捐127億搞慈善

狙擊企業時作風強悍嘅霍恩，自○三年成立TCI以來，大部分利潤都會自動捐畀由佢太太Jamie成立嘅慈善機構CIFF，改善貧窮兒童生活。透過TCI同CIFF嘅關係，霍恩喺五年內捐出超過10億英鎊（約127.2億港元），淨係○八年就豪捐4.66億英鎊，相信係英國史上最大筆捐獻。

可惜，二人舊年離婚後，TCI同CIFF嘅關係亦都生變，TCI再冇法律義務向CIFF捐獻利潤。

仍任受託人未轉軚

可以想像，喺慈善界引入革命性轉變嘅CIFF，好可能失去急速增長嘅動力；霍恩就可能成為TCI舊年可觀回報嘅最大受益人。

不過，霍恩夫婦離婚後，霍恩至今仍然係CIFF嘅受託人，據知情者透露，霍恩可能自願繼續支持CIFF。霍恩前妻早年就曾表示，霍恩熱衷於捐獻，佢哋兩個都相信有啲嘢比個人更重要。計絲絲話，雖然夫妻情不再，但既然大家仲有一顆向善嘅心，霍恩應該繼續捐呀！

余絲韻