第三季基金季結完全見唔到粉飾窗櫥行動，加埋季結日港股沽空額127億元，沽空比率達14%，睇嚟班空軍真係愈來愈放肆！除非歐債危機有突破性進展，否則呢個「股災月」可能挑戰○八年紀錄（○八年十月恒指單月跌四千點）。
呢期中資股當災，恒大地產（03333）上周一度跌逾兩成，但沽空額得四千多萬元，即係話班大戶「堅沽」！而且建行（00939）及中行（03988）繼續被空軍追擊，逢低溝貨實在值得商榷。
上周五能逆市上升嘅股份唔多，其中一隻係中航科工（02357），股價升6.9%至2.47元。睇番幅圖，上月股價由高位3.98元插落1.98元，似係基金清倉所為。短線股價若能守穩2.3元，本輪反彈阻力喺2.6元，否則可能須要再試2元關支持。
古晨