買家搶搵「跳樓貨」得睇字
二手樓市受政府辣招重擊，周六睇樓量及成交接連挫至「冰點」，終在準買家趁機搵「跳樓貨」帶動下回升。綜合數據，十大屋苑中有九個睇樓量昨見反彈，其中大埔中心飆升一倍，惟面對目前市況，準買家仍較審慎，成交未能同步跟上，全日僅錄3宗成交。
第一城劈價30萬成交
美聯陳曉風稱，大埔中心經過近一個月淡靜，昨睇樓氣氛明顯好轉，僅該行全日已有十多台睇樓客，按周升一倍，每名代理平均要招呼兩至三台客。買家逐漸消化加稅影響，而近日二手樓市見不少劈價成交，令準買家欲趁業主虛怯「執平貨」。但劈價個案未成氣候，業主仍企硬居多，故昨日大部分睇樓客都屬「齋睇」。
沙田第一城睇樓量亦按周升20%，美聯鍾燕河稱，屋苑業主開始調低叫價，吸引買家問盤及睇樓，昨亦即錄一宗減價成交。該單位為29座中層C室，建築／實際面積395／327方呎，原叫價345萬元，昨突劈30萬元至315萬元獲承接，減幅達8.7%，建築均價為7,975元，低市價約5%。他續稱，原業主睇淡後市，故放盤三周後即減價求售。
天水圍嘉湖山莊睇樓量亦按周升逾一成，中原譚展洪指，睇樓量雖升，但仍以睇租盤的客人為主，約佔七成，不少新界外區客賣樓後，欲到天水圍找平租盤，待樓市穩定再作入市打算。
租買比例仍維持「七三」
鰂魚涌太古城、鴨脷洲海怡半島等昨分別升10至20%。中原盧鏡豪稱，海怡半島成交未有起色。反觀租客入市較積極，租買比例仍維持「七三」之比。
樓市觀望氣氛濃厚，昨日新盤銷情亦未見起色，代理估計昨主要新盤只銷逾30伙，其中恒地（00012）等元朗尚悅，代理估計售16伙；粉嶺逸峯則沽5伙。另昨開售的大角咀新盤奧朗‧御峯，發展商信置（00083）稱，截至昨日傍晚為止，該盤售近十伙。