呢張擁有「二合一」功能嘅Display Card，可以當作一般信用卡、記帳卡、或者櫃員卡使用，喺卡面上仲可以顯示出一次性密碼，當客戶進行高風險交易，例如大額轉帳嘅時候，就可以憑密碼進行認證，既方便又安全。
夥渣打新加坡推出
到底Display Card幾時推行呢？原來由依家開始，渣打新加坡一系列嘅信用卡同記帳卡，都會以Display Card發行。將來Display Card仲可以顯示信用額結餘、購物紀錄、信用卡積分等即時資訊添。萬事達卡嘅香港及澳門總經理高敏德啱啱上任，唔知佢幾時會喺香港推出Display Card呢？