有報道話，名人至愛之一嘅鑽石品牌Harry Winston，準備賣咗旗下嘅珠寶同豪華腕錶業務，潛在買家係PPR同LVMH兩大奢侈品集團巨頭，消息一出，股價一度爆升超過一成。
據聞Harry Winston今次放售呢盤業務，目的係想集中火力喺鑽石開採。有專家估計，以LVMH上年買Bulgari開出高達60%嘅溢價嚟做「案例」，Harry Winston珠寶生意，價值將會由依家約7.66億，升值至12億美元。
市場對單刁好亢奮，皆因PPR同LVMH兩位大佬都想繼續買更多珠寶品牌，壯大喺奢侈品市場嘅勢力，但個別分析員認為未必賣得成，話投資者普遍基於Harry Winston兼得零售業務至落疊，亦因為咁，股價走勢至咁穩陣，估計股東未必肯放行。