絲絲講場：內地電訊猛人都係師承理大？

王曉初修畢工管博士

佢哋咁高級，又係行業入面嘅叻人，做導師都夠晒班，使乜再讀書呀？絲絲打聽之後，原來「另有內情」，原來王曉初及李躍係喺○五年同○四年修畢理大嘅工商管理博士，當時兩人仍為事業衝鋒陷陣，後嚟先至分別喺○八年同一○年當上電訊商嘅第一把交椅。換言之，可能係因為讀飽書，至升到咁高層呢！

老友話，呢個課程喺內地已經搞咗幾年，包括工商管理同房地產等，藉以培育傑出人才。