絲絲講場：按證總裁交棒依然「旺翔」

上半年盈利倒退26%

按證執行董事彭醒棠，大讚劉怡翔喺任內貢獻良多。不過講番按證今年上半年業績，比起舊年同期就差少少，半年盈利5.21億元，比舊年倒退咗26%；淨息差亦按年跌咗30點子，報1.5%。

喺最近一、兩年，按證先後推出安老按揭、中小企融資擔保、小型貸款計劃，動作多多，為咗集中資源搞好香港業務，按證宣布將會退出幾年前成立，分別同馬來西亞央行同深圳市人民銀行組成嘅兩間合營公司，仲話有錢賺添。

另金管局已安排現職銀行監理處主管嘅李永誠，接替李令翔騰空出嘅執行總監（法規）一職。