成日都話經濟差，科技股彈起，不過數來數去，都係得騰訊（00700）有料到。其他嘅股，好似無一隻頂得住。
今年萬眾期待嘅面書（facebook）上市，雷聲大就業績壞，令一眾粉絲失望。如果大家無記錯，facebook講來講去都喺用戶，因停留時間愈耐，愈有廣告商機，不過Prof. J玩fb咁耐真係冇click過入去睇廣告，似乎facebook呢個一廂情願嘅諗法又不攻自破。加上fb活躍用戶嘅增加同廣告收入不成正比，顯示其假設有極大的假設性問題。
Prof. J教書成日講，業務計劃可以任你作，但係唔可以覺得全世界會跟你個計劃行，因為消費者確係同星爺一樣──你係估佢唔到。Prof. J喺fb上市時已在本報分析過，fb面對兩大挑戰：一、中國市場進不了；二、如何以業績或所有創意支持高增長神話。
教書都教過，業務上最難估計嘅係非直接競爭對手（Indirect Competition），實在多如天上繁星，喺依家花心嘅消費者年代，fb留住佢哋都唔容易。Prof. J覺得fb今次可能學學Tom仔，不斷買嘢，希望愈做愈好！諗諗唔通十年後，科技股得番隻不滅神話騰騰？
香港大學電子金融服務榮譽助理教授 徐燦傑