一盒燒鵝飯，快餐店大家樂賣50元，貴過富豪飯堂鏞記賣38元。一買一賣，你情我願，商人有權定價，消費者有權選擇。其實不少中環人已減少幫襯某間快餐店，因為價格升、質素跌，愈來愈唔抵食。
若然你認同快餐店燒鵝飯貴過富豪飯堂是「不合理」，同時間你已推翻那些大集團已壟斷市場，可以有恃無恐加價的指控。價值不但來自味道，還有店舖位置、等候時間、服務態度等等，即使你口說「無得揀」，實際上已做了選擇。
撇開所謂社會責任，50蚊燒鵝飯是否一個聰明的生意決策？若果你見到餐牌上的燒鵝飯賣50元一盒，旁邊的油雞飯賣45元也不過分吧。這就是心理學家所講的Anchoring effect，即是人類傾向找指標做對比。
另一個可能是，快餐店根本不想做你生意，透過Anchoring effect引導顧客選擇其他Profit margin（毛利率）更高的食品。又或者，這是促銷活動的前期工夫，先加價，稍後再推優惠價。
話分兩頭，到底是快餐店太貴，還是富豪飯堂太平？富豪飯堂是自置物業，又自設燒鵝作坊，成本自然較有優勢。不過，既然是富豪飯堂，為何還在門口賣外賣飯盒？或者是社會責任，希望人人可以食到靚燒鵝，可是我估計為了促銷去貨。若然有錯，歡迎指正。
同樣是燒鵝飯，有舖頭加價趕客，也有舖頭減價吸客，做生意就是要靈活變通，是否「合理」，視乎觀點與角度。
大健
大健，財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin