絲絲最近聽個基金經理講，有間外資行請咗位城中知名嘅風水師「開壇」，用玄學角度向班基金經理分析龍年個股市嘅運程。
師傅話幾年無運行
呢位風水師講，話依家投資者唔好入市住，因為無乜肉食，咁幾時先入市好呢？佢話當恒生指數跌到落去萬三點買嘢應該會有賺，佢仲話呢幾年港股無運行，如果由○三年起計，要等到一五到一六年先會好轉喎。
不過，絲絲覺得最有趣都係班基金經理嘅感受，唔知係唔係玄學呢家嘢太玄妙，有基金經理話聽咗十分鐘已經想走人，但都有基金經理聽到津津有味，仲問：「師傅、師傅，你本書第幾幾頁有一點唔係好明。」
余絲韻