易運錢：鞍鋼股份重拾升勢

鞍鋼(00347)日前率先響應溫總號召，宣布管理人員可自願性質於半年內在A股市場買入最多20萬股鞍鋼股份，仲要有兩年禁售期，當時仲畀人揶揄係「民兵」、話係捱義氣，原來係「先讓一部分人富起來」至真，認真盞鬼。

面對產能過剩、成本高、利潤低等不利因素，鋼鐵股長時間呈大弱勢，但自去年中開始，其實已漸見轉機，以鞍鋼為例，去年第三季度純利便大升1.11倍，至1,900萬元人民幣。市場亦預期，隨着行業周期見底，鋼鐵股今年有進一步回升空間。鞍鋼股價自去年十月見底以來，呈一浪高於一浪，昨升5.3%，收6.27元，升穿日前高位6.37元，可向7元推進，支持位睇5.8元。