近期港股交投淡靜，唔少輪商都話生意難做，咁啱尋日絲絲同渣打股票衍生及中介銷售認股證銷售董事翁世權（Simon）同埋副董事林燕玲（Ruby）一齊喺中環食晏，佢哋都話市況唔好，窩輪及牛熊證生意難做都係正常嘅，而且歐美債務危機又令港股更易波動，所以近期佢哋都做多咗投資者教育，希望散戶清楚買賣窩輪嘅方法及風險！
不過，今次Simon所做嘅投資者教育就真係揼本喇！因為佢喺渣打認股證網站（2888.standardchartered.com/warrants/index.php）搞咗個「渣打認股證，智取金元寶」嘅問答有獎遊戲，只要散戶答中問題，就有機會獲得由渣打認股證贊助送出，總值八萬蚊嘅金元寶做中獎禮物。
Simon仲話：「呢個問答有獎遊戲啱啱開始進行，為期二十日，而且啲問題好簡單，醒目嘅散戶一定識得答，總之大家愈早上網玩，中獎機會就愈大，因為我哋係每日會送出一份價值4,000蚊嘅金元寶㗎。」嘩！依家金價咁高，等絲絲都快啲上網玩吓，呢個金元寶仲唔係由我去拎？
余詩韻