聽日就係十一月嘅第4個禮拜四，雖然對我哋中國人嚟講，呢個日子冇乜特別，但係對於美國同加拿大人嚟講，就係一年一度嘅感恩節！雖然中國電信（00728）係內地公司，不過佢哋都諗咗啲別心出心裁嘅方法嚟慶祝呢個節日喎！
佢哋喺明日會同靚女名模Amanda S.合作，喺Amanda在IFC度開嘅咖啡店送出2,000杯即磨咖啡，仲話如果大家好彩嘅話，仲可以試到Amanda親手整嘅咖啡添！
至於點解無端端要慶祝感恩節，佢哋就話，係因為集團今年先後畀《Euromoney》同《FinanceAsia》評為「亞洲最佳管理公司」，同畀《Institutional Investor》評為「亞洲最受尊崇企業」，加上公司股價今年至今升咗15%，股東們絕對「飲得杯落」喎！
余詩韻