正如筆者早前所言，市場應跌唔跌，對壞消息都無乜反應之時，就是醞釀升市之先兆。結果，昨日恒指現貨上午雖然悶局一場，只在22,231至22,400點水平上落，但午後則轉跌為升，現貨收報22,570點，升29點，成交金額有658億元，多少反映出投資者對美債出現違約風險的取態。
事實上，市場焦點雖在歐美債務危機上，但歐債翻炒多時，相信黑暗過後總有黎明，醒目錢亦睇中此點，故見恒指在上周五補回七月十二日的下跌裂口後，就一直守穩22,200點之上，加上10日線亦回升至22,200點，進一步加強該水平的支持力度。
睇番昨日七月份的期指走勢，先低開於22,300點，其後主要在22,233至22,350點上落，但午市上破23,500點阻力後就如入無人之境，最後七月期指以22,339點收市，八月份期指則收報22,597點，高水27點。
市場前景轉趨明朗，筆者既然傾向睇好後市，當然將早前於22,280點開的七月份好倉轉至八月份，目標仍為22,835點，跌穿22,220點止蝕。
John Mullen
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
