金融徐筆：領匯增添收購概念

領匯高層，惟有向現實進發，以11億港銀向南豐集團收購將軍澳商場，呢個商場近坑口港鐵站，同新地(00016)及港鐵(00066)旗下嘅商場連接，每月租金收入420萬元。

配合本身商場形象

有人問我，領匯點解買南豐商場，其實好簡單，第一，大型地產發展商唔會睬佢，第二，商場喺市場學都有定位之分。南豐商場屬於「平民化大眾」商場，冇乜大品牌，同領匯溫情屋邨商場形象脗合，從協同效應來講更易見到。唔通將領匯變成甲級商場係一件好事咩。

依家嘅領匯，除咗純收租同等派息之外，仲有埋收購概念，成個陣勢又唔同晒，不過買咗南豐商埸只係一個開始，品牌嘅融合，營運上嘅績效提升，同埋有冇真正協同效應，都總係有待時間見證。

新任領匯王總上任後領匯更有收購概念，依家終於「五年一單deal」，希望佢全力出擊，唔好「一剎那光輝變咗永恒」就好嘞。

香港大學電子金融服務榮譽助理教授 徐燦傑