與比亞迪官司打到底
郭台銘曾經當面諷刺巴菲特：「幾時揸比亞迪架車返工呀？」巴菲特梗係冇回應啦。佢就批評話：「比亞迪與巴菲特嘅結合，只係『一個吹牛嘅，加一個炒股嘅』整出嚟嘅神話。唔好當巴菲特係股神，佢只係利用小聰明同埋一套商業策略模式炒作。」
郭台銘聲言與比亞迪嘅官司一定打到底，等大家睇吓「長期投資者抑或炒股嘅人會成為股神」。
尋日發生咗一段小插曲，就係一名只揸住5股嘅小股東搶咪講嘢，郭台銘發老脾話，「你揸住5,000萬股，我就請你上嚟坐，你只有5股，唔該你閃開，最好今日沽埋佢！我哋係正派經營嘅公司，使乜你嚟干擾議事。」現場其他股東即時拍爛手掌。
余絲韻