本港銀行嘅前線員工做嘢經常做到冇停手，好難得趁假期與屋企人聚吓，建行亞洲有見母親節臨近，為員工準備咗代表母愛嘅康乃馨鮮花，加埋舉辦一些創意繪畫班和糕點製作班，讓員工及家人可以一邊玩，一邊共度呢個佳節月份。
作為建行亞洲行政總裁兼首席執行官嘅郭珮芳當然要身體力行，佢會喺母親節（本月八日）前親身到分行向員工送上康乃馨，鼓勵佢哋與家人共聚天倫之餘，並表達對母親嘅敬意。
除咗送花，建行喺今個溫馨五月仲會舉辦創意繪畫班及糕點製作班，令員工喺享受家庭樂嘅同時，可以借繪畫及整蛋糕，平衡一下工作及私人生活，老闆體貼，員工自然工作得更開心喇。
（余絲韻）