孫建一：多謝支持
呢個投資者都幾叻，識得乘機向管理層抱怨自己喺高位入貨，仲用激將法問管理層係咪成世都係咁，絲絲覺得佢問得好有技巧，好奇想知管理層點樣回應。
平保副董事長兼副首席執行官孫建一嘅反應好快，佢先係好有禮貌咁講句「多謝長期支持」（至少呢位股東冇斬倉），但之後就話：「二級市場的股價受多種因素影響，不便評論。」咁即係閣下自重，幫你唔到啦。
仲有位名叫ginruigao嘅股民問，第時可唔可以搞個開放日，畀小股東去平保參觀，了解吓公司嘅真實情況，以增強信心。平保首席律師兼董事會秘書姚軍就忍唔住話，佢哋嘅股東有成30萬人，安排唔到參觀喎。
（余絲韻）