與時並進 擬登陸fb
今年晚宴以「信誠25載，齊心譜未來」為主題，節目比往年更豐富，除咗醒獅、書法表演、猜燈謎、員工擊鼓及獻唱外，今年更特意請嚟數位長情客戶上台分享，其中一位客戶潘先生喺一九八六年四月開戶，更加係信誠嘅第一位客人。另一位梁先生就喺八九年四月開戶，當年佢與劉老闆（信誠證券董事總經理劉昇昂）一樣，都有一頭黑髮，但隨着歲月嘅流逝，依家大家嘅頭髮都變白，難怪劉老闆笑言「人生有幾多個25年」，要好好珍惜彼此嘅關係。
經歷咗四分之一個世紀，信誠不忘舊嘅同時亦與時並進，推出手機應用程式以及計劃設立Facebook（fb）「粉絲」網頁，希望能夠壯大公司嘅客戶群。
余絲韻