本文重點
繼較早前《Tipping Point》作者Malcolm Gladwell來港演講後，本月底又有猛人訪港！亞洲協會下周一舉行周年晚會，邀請咗因金融海嘯而成為名人嘅作家塔利布，出席晚會作專題演講嘉賓，邊個係塔利布？佢就係曾高踞美國《紐約時報》暢銷書榜17個星期、銷量逾150萬冊嘅《黑天鵝效應》作者。
出席亞協晚會演講
一場金融海嘯令大家認識何謂「黑天鵝效應」，亦即係看似極不可能發生嘅事，作者喺書中仲強調唔應該忽視罕見及無法預見事件嘅重要。塔利布呢本書早於兩年前出版，本來已經大熱，加埋今次金融海嘯就熱上加熱。
其實塔利布本身來頭都真係勁，佢除咗係紐約大學金融風險嘅名譽教授外，本身亦係投資管理公司Universa Investments嘅合夥人，專門為客戶評估風險及作出對應策略，睇嚟今次亞協周年晚會一定逼爆。
余絲韻