大市沉悶多日，終於有料到，結果係玩向下大插。美國有意研究退市方案，港股有理無理跌咗先，尾市雖然叫力守21,000點，不過反彈無力。近期市場氣氛麻麻，大市都係難升易跌格局，希望今次調整快來快去，最緊要係聖誕前仲可以炒多一轉。
市場氣氛轉淡，資金轉買啲正路股，內地大力推行內需概念，一眾內地百貨股，一直都係基金鍾愛目標，新世界百貨（00825）睇準今次商機，早前六月時便斥資1億元人民幣為旗下33家新百貨分店進行形象革新。
內地人現時開始講求品味，加上大把錢，睇怕今次新百貨大改形象後，下半年業績都值得睇好，尋日市場氣氛咁差，新百貨都可以逆市升4.7%，不妨跟勢追炒，向上睇8元唔過分，跌穿5.5元才作止蝕。
古晨