東北電氣（00042）於過去幾個交易日突然攀升，市場一度有傳集團獲股神巴菲特洽談入股，但集團日前已停牌以作澄清，指明沒有巴菲特洽入股的事存在，所以大家只係空歡喜一場，料及後將有回吐。不過，講開升幅，中行（03988）周三走勢真係不俗，股價更首度升穿自去年十月以來的阻力區間添，走勢咁好，到底真係一如市場所講，受市場對滯後股的興趣支持，抑或係人民幣試點有任何新進展，實在值得繼續留意。
講番大市，期指結算當日，港股再度大挾淡倉，恒指最高曾見過17,984點，只差16點到萬八，最終收報17,885點。熊仔熊女自然成為當天的壯烈犧牲品，全日一共有39隻熊證被強制回收，其中34隻更為恒指熊證添，熊仔黨又再一次陣亡。
數一數，依家市場上，觸及18,000點就會被收回的恒指熊證就仲有11隻，街貨份數約3.9億份，咁到底今日開市18,000點水平穿唔穿？美股日前一跌又有否為大家帶來一點啟示呢？
（小尾）