尋日端午節假期，隔晚約埋幾個老友通頂睇波，瞓醒先知美股跌到一仆一碌，不過古晨又唔係好擔心港股今日會大插水，事關市場太多水，有資金撐場，股市邊有咁易死。
朗迪國際（01142）日前公布，公司已完成收購俄羅斯公司於西伯利亞焦煤項目，作價為2.53億美元（折合19.7億港元）。收購完成後，朗迪將易名為「西伯利亞礦業集團有限公司」。
該焦煤礦預計可於今年底至明年初正式投產，預期該高質素的焦煤年產量約為150萬噸至200萬噸，可供10至15年採用。公司同時跟賣方達成協議，賣方將於完成日期起直至完成日期後滿24個月期間內，向公司發放融資以就開發煤礦提供資金，融資金額最多為7,000萬美元。
朗迪成功變身轉型，股價走勢呢兩日又轉強，加上成交增加，料可再展升浪，首個目標0.18元，跌穿0.12元止蝕。
古晨