本文重點
「台妹」和「港女」，你點揀？○四年台灣大選，阿扁「中槍」時，Baby剛好喺綠營（民進黨）其中一個台北據點排隊買紀念品，加上當晚去咗佢哋嘅造勢晚會，深深感受到台灣人對政治嘅投入。
好多人預期中央送畀台灣嘅「禮物」接踵而來，而且出手闊綽，台股有排升，但Baby認為中長線投資者必須考慮台灣嘅政治穩定性，呢方面香港問題不大，「港女」唔一定輸畀「台妹」!
「雙響炮」勁過「強棒」
「雙響炮」和「強棒」，你點揀？唔好心邪，呢兩隻係台灣本土販賣嘅兩隻基金名字，喺香港唔認可。台股勁漲，當地推出嘅唔少台股基金本年至今回報逾30%，甚至超過40%。講番「雙響炮」，佢主攻高科技和金融股，所以最近回報唔錯；由於「強棒」主力買台企債券、公債和金融債券等，表現就跑輸同行幾條街。
另外，台灣有隻名叫「發達」嘅ETF（交易所買賣基金），追蹤「台灣發達指數」，指數覆蓋八大傳統產業，講明唔掂科技和金融業，今年升咗三成幾。○七年底新出咗隻「愛台灣」基金，當時台股弱勢，有人形容投資者「愛到最高點」，最後愛「死」了，還有愛台灣「是要付出代價的」，但今年「愛台灣」就有兩成幾回報。
（Baby）