撰文：小德 攝影：強
小豬最可愛
呢兩個囡囡都係嚟自澳門中×城夜總會嘅靚女，一個係只得19歲嘅菲燕，留有一頭長長嘅鬈曲頭髮，笑起嚟特別甜；至於另一個係21歲嘅珍珍，一頭長直髮，但最易認嘅仲係佢嘅完美身材，特別係一雙40吋嘅修長美腿，就最吸引人。
點解兩個囡囡對豬咁有好感呢？菲燕精靈地搶住回答：「我由於住喺城巿，所以從小未接觸過生豬，我記得學校老師為咗等我哋接觸吓啲小動物，於是就喺豬場抱咗一隻小豬返嚟，由我哋全班學生照顧佢一年，到佢一歲大就送佢返豬場生活。」
咁又幾好玩喎？菲燕天真瀾漫點頭：「我第一眼見到隻豬仔，就喜歡到不得了，因為佢非常得意可愛，於是我主動要求負責照顧豬仔，仲幫佢改咗個名叫小花，因為佢嘅肚皮上面，有一撻黑斑，好似朵花，所以我哋大家都叫佢做小花。同我一齊負責照顧佢嘅，仲有我嘅初戀男朋友。」難怪咁難忘啦，原來有埋初戀喺度。
菲燕笑笑口繼續：「我起初乜都唔識，仲當佢狗仔咁養，但原來豬係有另一套方法飼養，好彩我初戀男友嚟自農村，對養豬好有經驗，我哋就係咁，感情愈嚟愈好。」同你男朋友定同隻豬呀？菲燕話：「當然係同小花，不過同男友都有。」
豬仔底褲
咁家陣冇豬仔照顧，點解仲咁鍾意豬呢？菲燕話：「當年將小花送走嘅時候，我話過將來要開一個豬場，照顧更多更多嘅豬仔。當然，我亦唔會蠢到養住啲豬唔賣、唔搵錢。但我真係好喜歡啲豬仔，所以呢個夢想，到今時今日仲時刻諗住。」
咁對豬流感又點睇呢？菲燕話：「我哋應該更加同情啲豬，因為佢哋先至係受害者，因為照顧豬隻嘅人照顧唔好，令佢哋生病，佢哋係唔想嘅，至於再傳染到畀人，更加係佢哋控制唔到嘅。所以要怪，就要怪照顧佢哋嘅人，而唔係豬仔佢哋。」
聽完菲燕慷慨激昂嘅一番話之後，就問一下另一位靚女珍珍，珍珍笑笑口話：「我就唔識養豬，所以啲感情唔係嚟自第一手接觸。我係睇咗一套有關豬仔嘅電影之後，就愛上豬仔，我啲男朋友為咗討好我，仲買咗好多豬仔嘅日用品送畀我。」
珍珍繼續：「我家陣間房，全部都係同豬有關嘅用品，例如有豬嘅床單、被單、水杯、睡衣、拖鞋，衣服更唔在講，連小底褲都係有豬豬圖案嘅。」男朋友連豬豬底褲都送畀你？珍珍話：「佢哋話我着咗有小豬圖案嘅底褲，會特別可愛喎！」
食極都唔肥
送底褲畀你咪可以一睹為快？珍珍話：「你好壞呀！佢哋都冇要我着畀佢哋睇？」咁除咗好鍾意豬嘅用品之外，仲有乜嘢同豬有關嘅呢？珍珍露出迷人嘅笑容：「我最喜歡食豬扒，特別係日式吉列炸豬扒，我一口氣可以食五大塊。」
食五大塊？你唔怕肥咩？珍珍話：「放心，我係食極都唔肥嘅，另外梅菜扣肉、東坡肉、大圓蹄等肥膩嘅美食，好多人一睇見就怕，但我一個人就可以將一整碟消滅晒，因為實在太好食，真係冇人想得到一隻豬，可以變化出咁多唔同嘅美食。」
珍珍愈講愈興奮：「大家除咗唔敢食肥肉之外，仲好怕食豬嘅內臟，但我就最鍾意，特別係要嚟做豬雜湯，真係講起都流口水，冬天時再淋啲酒喺湯裏面，簡直人間極品，飲一啖就馬上由頭暖到落腳，加啲辣椒鼓油食埋啲豬雜，簡直冇嘢講呀。」
最後珍珍總結：「所以希望有關方面，好好照顧啲豬，等佢哋可以健健康康咁成長，咪用咁多化學料飼養，因為好多人好似我咁樣，好喜歡食豬雜㗎！其實據專家講，一個豬場咪養咁多豬，就冇咁易有病，賺少啲，好過一鋪清袋，害人害己呀。」
菲燕Profile
年齡：19歲
三圍：33、24、34
興趣：開豬場
珍珍Profile
年齡：21歲
三圍：36、24、35
興趣：食豬扒