金利來（00533）最出名係領呔，曾經風靡一時，原來呢間公司最初係叫「金獅領帶公司」，以「金獅」牌面世，及後有個朋友話「獅」與「輸」嘅諧音相同，覺得唔多吉利，於是改名為「金利來」。
金利來主席曾憲梓喺一九六八年創辦呢間公司，佢將公司名改咗為「金利來」後，公司產品銷量就大增，喺七十年代，佢哋嘅領呔、皮具同男士嘅飾物受市場歡迎，仲有一句廣告「金利來──男人嘅世界」令人深刻，而呢間公司喺一九九二年上市。
壹元加三角尺畫成
仲有，喺開業初期，曾憲梓開始構思同設計品牌商標，有一日佢隨手拿起一個壹元港幣，畫咗一個圓形的圖案，又用一把三角尺，喺圓形中間畫出一個L形，兩者的組合，形成呢間公司嘅標誌。
余絲韻