本文重點
金融海嘯令祖國同胞明白外國嘅月亮未必更加圓，一向保守嘅中資銀行喺呢啲風頭火勢更易令人產生好感，有唔少以前靠外資大行幫手打理財務嘅內地富豪，紛紛轉投中資銀行。
捨外資幫襯番大陸行
最近內地有個針對私人財富問題進行嘅調查發現，內地有七成私人銀行客戶話對於係咪繼續選擇外資銀行變得更加謹慎，當中最少有兩成已經決定未來兩年都唔會考慮外資行，至於以前用開外資行嘅，就決定攞番啲錢去中資行開戶。
絲絲聽一個內地賓卡朋友講，很多喺海外投資損手嘅客戶，依家開始回流返中資銀行，內地同業都覺得金融危機對中資行反而係一個機會，間間銀行都將私人銀行業務當作戰略發展重點，谷盡全力去搶客。就連國有銀行中最保守嘅農行，近日都話要喺年底前喺上海、北京、深圳等地開設私人銀行總、分部，直接拓展相關業務。