戴祖儀晚晚打機「備戰」奧運

藝人戴祖儀（Joey）與涂毓麟昨日出席商場活動大玩虛擬運動體驗，2人均表示有觀看奧運賽事，問Joey會否想到當地採訪？她坦言：「我想做觀眾感受當地氣氛，唔想去採訪，始終唔係專業，呢啲交畀專業人士。」談到近況，她透露正忙拍劇，工作之餘最近養成每晚打機數小時的習慣，她笑說：「因為打機有機會成為奧運項目，我依家做定準備，而且打機唔關年齡事，到時體能下降都冇影響，希望奧運見到大家採訪我！」至於涂毓麟主要做《勁歌金曲》主持及做歌，並希望有機會跟Joey再度推出合唱歌。