吳雨霏抖夠復出 想做《造星》導師
已有兩年沒正式公開亮相的藝人吳雨霏，前晚偕倪晨曦、汪明荃等在中環出席活動，她自言生活充實，但最近計劃復工：「接吓活動先。（有意搵你做《全民造星IV》導師？）未接觸過，但我幾有興趣。（有冇安慰甩拖嘅鄧麗欣？）我哋有聯絡，佢OK嘅，不嬲都係個好Strong嘅女仔。（介紹筍盤畀佢？）等佢Ready先。」
談到與環球唱片的合約，她表示剛約滿：「大家傾緊，我同佢哋講心唔講金。（好大機會續約？）等遲啲話畀大家聽，我都好掛住唱歌，對上嗰次出唱片已經係4年前，依家喺屋企唱兒歌，都想搵機會喺小朋友面前上台唱。」