預告「妃嬪」列陣 C AllStar騷前內訌鬥硬
組合C AllStar將於7月24及25日在紅館舉行《C AllStar集合吧演唱會2021》，4子相隔3年再合體並首度挑戰4面台，別具噱頭，優先訂票火速售罄，成員高興之餘亦相當頭痛！當中梁釗峰收到不少朋友的訂飛電話，一身飛債，令他不勝負荷，以致連阿媽都冇面畀，他說：「唔好再問我有冇內部飛，6月16號早上10點喺網上公開發售，媽媽，對唔住呀！再要飛都要自己上售票網撳飛呀！」釗峰又笑問隊友King及Jase如何安排多位紅顏知己入座，King即拉埋他落水：「我啲妃嬪會坐喺你啲妃嬪隔籬。」
陳健安（On仔）懶理他們的「囡囡分布圖」，只關心成員的「硬度」，用手指篤釗峰胸肌說：「幫大家Check吓啲質地，釗峰硬咗喎！做過咩嚟？」King有樣學樣，篤完釗峰、On仔再「自篤」比較，然後扮專業說：「釗峰未夠On仔咁硬！」釗峰亦認輸：「我都冇佢咁大。」Jase即抵死說：「釗峰畀On仔撳完之後硬咗！」
劃一票價冇大細超
演唱會全場劃一票價，4子向Fans大派定心丸：「人人平等，個個都係靚位，放心，無論坐邊個位都有可觀性。」