今夜一丁:JOSELINE KELLY舞出快感

能夠喺美國四仔界取得成就嘅脫星唔多,而紅到去歐洲嘅更係少之又少,Joseline Kelly就係當中嘅少數,事關擁有與別不同魅力嘅佢,不但帶畀四仔迷新鮮感,芭蕾舞蹈員嘅身份,更係佢最大嘅吸引之處。

同男友合演

唔少脫星都自稱曾經習舞,或者曾經做過舞蹈員,只係講到真係擁有非凡舞功,Joseline Kelly敢稱第二,絕對冇人敢認第一,皆因佢出道之前,不但係一位專業芭蕾舞蹈員,更曾經參加多個芭蕾舞比賽,絕對係舞林高手!

喺美國喬治亞特蘭大出生嘅佢,6歲便開始學習芭蕾舞,佢之所以鍾愛跳芭蕾舞,原因係父母都係芭蕾舞蹈員,夢想成為獨當一面嘅芭蕾舞者。後來佢跟家人移居法國,為咗生計,喺一間夜總會跳舞,並結識到男友兼跳舞拍檔,兩人喺舞台上嘅火辣演出,不但令觀眾睇到興奮無比,更獲得歐洲著名四仔片廠Marc Dorcel邀請佢同男友一齊演出《Luxure: I Offer My Wife To Others》,不但獲得極佳回響,更喺XBIZ頒獎禮獲得「最佳性愛演出」及「最佳四仔作品」兩項提名。

追求唯美

見咁好反應,於是Marc Dorcel食住個勢搵佢拍多幾套作品,而憑住精彩又高難度嘅體位演出,令佢順利喺美國四仔界打響名堂,並吸引到各大片廠嘅招手,而Marc Dorcel亦簽佢做專屬嘅「Dorcel Girl」,足見佢係幾咁受歡迎。

對於呢個成績,Joseline Kelly坦言感到相當意外,而佢之所以決定簽約,原因係佢追求唯美性愛演出。佢表示同美國四仔片廠合作時,發現對方着重重口味嘅演出,拍攝出來嘅效果毫無美感,而拍攝手法唯美嘅Marc Dorcel搵佢做專屬女郎,試問又點會唔答應呢?人氣再升嘅佢,喺2019年嘅AVN及XBIZ頒獎禮獲提名「最佳脫星」及「最佳後門演出」,證明佢實力強勁,家陣已經成為炙手可熱嘅脫星。

社交網站

唔知係咪Joseline Kelly工作太忙碌,經常要美國歐洲兩邊走,所以唔得閒經營社交網,僅得32個貼文,只係Po吓性感相,連短片都冇,當中佢提到最鍾意食Pizza,阿妹小心愈食愈肥呀!

網址:https://www.instagram.com/elisaibarra36

Joseline Kelly

出生日期:1997年3月22日

身 高:163cm

三 圍:32C-23-36

撰文:魂